AP Sankranti Special 2026: గ్రామాల్లో అన్నా క్యాంటీన్లు

AP Sankranti Special 2026:

ఆంధ్రప్రదేశ్ రాష్ట్రంలోని గ్రామీణ ప్రాంత ప్రజలకు శుభవార్త. ఆంధ్రప్రదేశ్ రాష్ట్ర ప్రభుత్వం సంక్రాంతి పండుగ సందర్భంగా రాష్ట్రంలోని మండల మరియు గ్రామీణ ప్రాంతాల్లో అన్నా క్యాంటీన్లను ప్రారంభించనుంది. ఈ AP Sankranti Special 2026 anna canteen కి సంబంధించి పూర్తి వివరాలు చూద్దాం.

“అన్ని దానాల కన్నా అన్నదానం గొప్పది” అని పెద్దలు అంటారు. ఈ అన్నా క్యాంటీన్ పథకం రాష్ట్రంలో ప్రతిరోజు లక్షల మంది పేద ప్రజల కడుపు నింపుతోంది. అన్నా క్యాంటీన్ పథకాన్ని పున ప్రారంభించి కూటమి ప్రభుత్వం హిట్టు కొట్టిందని చెప్పాలి.

రేషన్ కార్డు ఉన్నవారికి శుభవార్త: ఇకనుండి గోధుమ పిండి కూడా

అన్నా క్యాంటీన్ల ప్రత్యేకత ఏమిటి అంటే 5 రూపాయలు ఉంటే టిఫిన్, భోజనం చేయవచ్చు. అదే భోజనం బయట తింటే అటు ఇటుగా 100 రూపాయలు అవుతుంది. పేద ప్రజలు నిజంగా ఈ పథకాన్ని వరం గా భావించాలి. అయితే అన్నా క్యాంటీన్ ను ఇన్ని రోజులు పట్టణాలకే పరిమితమయ్యాయి.

కూటమి ప్రభుత్వం అధికారంలోకి వచ్చాక దాదాపు 205 అన్న క్యాంటీన్లను ప్రారంభించింది. ఈ 205 అన్నా క్యాంటీన్లలో ప్రతిరోజు 2 లక్షలకు పైగా పేద ప్రజలు ఆకలి తీర్చుకుంటున్నారు. రాష్ట్రవ్యాప్తంగా ఉన్న అన్ని అన్నా క్యాంటీన్లలో టిఫిన్/భోజనం ఏదైనా ప్లేటు 5 రూపాయలకు అందిస్తారు.

అయితే పట్టణాలకే పరిమితమైన అన్నా క్యాంటీన్ల ను ఇకనుండి గ్రామాల్లో కూడా ప్రారంభించనున్నారు.

రాష్ట్ర ప్రభుత్వం సంక్రాంతి పండుగ సందర్భంగా రాష్ట్రంలోని మండల మరియు గ్రామీణ ప్రాంతాల్లో 70 అన్నా క్యాంటీన్లను నూతనంగా ప్రారంభించనుంది. ఈ 70 అన్న క్యాంటీన్లను సంక్రాంతి పండుగ సందర్భంగా జనవరి 13, 2026వ తేదీ నుండి జనవరి 15, 2026వ తేదీల్లో మూడు రోజులలో ప్రారంభించనున్నారు.

రాష్ట్రం	ఆంధ్రప్రదేశ్
పథకం	అన్నా క్యాంటీన్
ప్లేటు(టిఫిన్/భోజనం)	5 రూపాయలు
నూతనంగా అన్నా క్యాంటీన్లు	70
ఎప్పుడు ప్రారంభిస్తారు	సంక్రాంతి సందర్భంగా

రాష్ట్రవ్యాప్తంగా నూతనంగా 70 అన్న క్యాంటీన్లు అంటే తక్కువనే అనుకోవచ్చు. అయితే రానున్న రోజుల్లో ప్రభుత్వం వీటి సంఖ్యను పెంచుకుంటూ పోతుంది.